Цагдаагийн алба хаагчдын дунд ширээний теннисний спортыг сурталчлах, хөгжүүлэх, алба хаагчдын бие бялдарыг чийрэгжүүлж, чөлөөт цагийг зөв зохистой өнгөрүүлэх зорилготой Цагдаагийн байгууллагын 2017 оны Автобаазын нэрэмжит “Ширээний теннис”-ний аварга шалгаруулах тэмцээн 2017 оны 04 дүгээр сарын 12-ны өдөр ширээний теннисний “Оч” клуб дээр зохион байгуулагдлаа.
      Энэхүү тэмцээнд төв, орон нутгийн цагдаагийн байгууллагын тамирчид авьяас чадвараа дайчлан өрсөлдсөнөөс тус цагдаагийн газрын Тосонцэнгэл сумын сум дундын цагдаагийн хэлтсийн хамгаалалтын цагдаа, цагдаагийн дэд ахлагч Б. Дагважаргал тусгай байр, багийн цагдаа цагдаагийн дэд ахлагч Б. Ганчимэг хэсгээсээ шалгарсан амжилтыг үзүүллээ.