“Нэг минут- нэг сая” хөгжөөнт тэмцээний ялагч тодорлоо.
Завхан аймаг дахь Цагдаагийн газраас тасаг албадын үйл ажиллагааг сурталчлах, алба хаагчдын дунд зохион явуулж буй сургалт соён гэгээрүүлэх ажлын үр дүнг дээшлүүлэх зорилгоор “ Алба сурталчлах сарын аян”-ыг тогтмол зохион байгуулж байна.
Энэ сарын аяныг Цагдаагийн газрын ахлагч бүрэлдэхүүнээс зохион байгуулж байгаа ба 2017 оны 10 дугаар сарын 13-ны өдөр офицер алба хаагчдын дунд “Нэг минут-нэг сая” хөгжөөнт тоглоомыг зохион явууллаа. Уг тэмцээнд нийт 12 офицер алба хаагч оролцож, 6 төрлөөр хурд хүч, оюун ухаан авхаалж самбаагаа сорьсоноос Мөрдөн байцаах тасгийн мөрдөгч, цагдаагийн дэслэгч М.Ханбүргэд түрүүлж, өргөмжлөл, мөнгөн шагналаар шагнагдлаа.